Ano nga gugma nawakal mo?!

Ano nga gugma nawakal mo?!

Ano nga gugma nawakal mo
Nagsagad ka pa pagamo gamo
Ano nga gugma nawakal mo
May palabu labu ka pa sa bato

Ano nga gugma nawakal mo
Magbugtaw ka sa imo damgo
Ano nga gugma nawakal mo
Wala gid tupa, puro tinunto

Ano nga gugma nawakal mo
Indi mapatihan, indi man sakto
Ano nga gugma nawakal mo
Asta sa diin kag tubtob san-o

Ano nga gugma nawakal mo
Waay sa tigi kag wala punto
Ano nga gugma nawakal mo
Manami lang sang sa primero

Ano nga gugma nawakal mo
Nagay na magpaabo abo
Ano nga gugma nawakal mo
Indi gakabagay don kanimo

Ano nga gugma nawakal mo
Daw relief ka lang sa Jaro
Ano nga gugma nawakal mo
Para sa akon ka ordinaryo

Ano nga gugma nawakal mo
Nagay dalahig ang mga santo
Ano nga gugma nawakal mo
Bisan langit nangin impyerno

Ano nga gugma nawakal mo
Sobra na gid kag gin abuso
Ano nga gugma nawakal mo
Ang mga sugid indi na tanto

Ano nga gugma nawakal mo
May dayan pa ikaw tinago
Ano nga gugma nawakal mo
Kamaan na tanan nga tawo

Ano nga gugma nawakal mo
Waay ko labot, waay ko tyempo
Ano nga gugma nawakal mo
Waay kaw na lugar sa kalendaryo

Ano nga gugma nawakal mo
Daw indi ka mabasahan nga libro
Ano nga gugma nawakal mo
Nga ang sala sa pagkaduro

Ano nga gugma nawakal mo
Asta dukaron nagabinakhu
Ano nga gugma nawakal mo
Ngaa napapati mo man ako