sa imo bag-ong "byahe" nong ronnie

sa imo bag-ong "byahe" nong ronnie

"basta ikaw handa ko magbyahe"
indi na kinanglan ang pamasahe
amo ni hambal mo pirme sa'kon
sir aris “daw sa others” kaw karon

“mapanaw kaw na gali sa japan
waay gid pabalon pasensya d’lang
ayhan imo man naintindihan
sang masubo ko nga dinangatan”

“pag uli mo mainom ta liwat
bisan hasta aga kita dangat
pabay-i day-ang mga allergy
may bulong man abi pagbakli”

ti insa nga waay kaw nakahulat
pangako mo pa ‘kaw gid maabat
pirme mo lang sabat, “ok, ayos”
sa masubo tanan kag natapos

gusto ko na lang nga panumdumon
nga mas matawhay ka na subong
bisan piliton ko man tungkaron
pag ampo na lang panalambiton