salamat sa malain mo nga dangat
huod na! puruton man ako sa tangkungan
mabangon liwat ako kag magdaha apan-apan
hay bisan sa punta lang ako ka kamalingkingan
indi kaw makapangawhi kag ikaw man masupnan
kug-on mo man ako sa bisan sa ano nga butang
indi mo mangud malab-ot ang tuod nga kalipayan
gaurahab man ako sa akon nga nadangtan
sukladon ako matubo liwat-liwat pagkaharum-an
ginpasaka mo lang ako sa ibabaw ka kapayas
gapanghampol man ako sang balunggay sa pilas
sa akon pag antos kag sa akon pagpangmalhas
indi ko mag untat padayon gihapon maghimakas
gung-an don ako sa sining hugada kag patag
indi ka magsarig indi mo takon mapalingkag
hay bisan din nga tigi indi gid ako mang alag-ag
kapira na magbaruron ang buhok kag may kalag
ginpagamo mo lang gani ang dalagan kang istorya
daw sa bato kaw gintangkas sa ilog ka suba
pero pareho sang tubig nga sa padayon nga ilog
kung magbinaha gani karon ilam diin kaw matablog
nagay mo tandog ang nagapahimunong nga subay
hay hangguda kaw kag indi mabatuan kang gamay
may tyempo ang tanan handa ako maghulat
ang diyos maaram sa tanan naton nga nabuhat
gani indi kaw magtulok nga ako ang pinakamaluluoy
man-an ko duro tana gapalangga kung ako managhoy
matuod ang tanan gamal-am parehas sang kahoy
kung mapatay kaw gani kamaan kaw kung may malaoy?
napasalamatan ta pa gani kang imo napangbuhat
naman-an ko sa temprano ang sala kag intsakto
kag akon man natukiban nga mga malain nga dangat
mangin tuktok nga maga ut-ot sa aton pagkatawo
No comments:
Post a Comment